नेपालगन्ज : नयाँ वर्षको पहिलो दिन आईतबार नेपालगञ्जको विपी चोकमा हुने नेपाली झण्डा महोत्सवको तयारी पूरा भएको छ । १ बैशाखलाई राष्ट्रिय झण्डा दिवस मनाऔं भन्ने सन्देश दिने र राष्ट्रिय झण्डको सम्मानमा सर्बसाधारणलाई थप जागरुक गराउने महोत्सवको उद्देश्य हो ।

‘झण्डाले ३६५ दिन संसारमा हामीलाई चिनाउछ, एक दिन हामी सबै नेपाली झण्डालाई समय दिउँ’ महोत्सवका परिकल्पनाकार अन्तरालका प्रमुख कार्यकारी जयनारायण शाहले भने –‘यो सबैको साझा कार्यक्रम हो, सबैलाई सहभागिताका लागि आह्वान गर्छाैं’ । नेपाली राष्ट्रिय झण्डाको बनोट बिशिष्ट प्रकारकोछ । संसारका सयौं झण्डाहरुको बिचमा पनि हाम्रो झण्डा अलग्गै चिनिन्छ । यस झण्डाको ईतिहास निकै पूरानोछ । २५ सयवर्ष अघि भगवान गौतम बुद्ध जन्मनु अघि पनि यस झण्डाको प्रयोग भएको प्रमाणित तथ्य छ । त्यस भन्दा धेरै अघि देखि यो झण्डा प्रचलनमा छ ।
बजारमा किन्न पाईने झण्डाको रंग फरक, फरक देखिन्छ । यस्तो नहोस् भन्ने सन्देश दिनु पनि महोत्सवको उद्देश्य हो ।

नेपालगन्जको विपी चोकमा आईतबार बेलुकी ५.५९ बजे शुरु हुने कार्यक्रममा बिभिन्न पेशा र क्षेत्रका बिशिष्ठ व्यक्तित्वहरु सहभागि हुनेछन् । दिवसका अवसरमा देशभक्ति र राष्ट्रियता झल्किने गित, संगित प्रस्तुतहुने झण्डा दिवसका संयोजन गरिरहेको बासका कार्यकारी निर्देशक नमस्कार शाहले सेतोखरीलाई जानकारी दिए ।  बिगत ३ बर्ष देखि नेपालगञ्जमा भईरहेको महोत्सव गत वर्ष देखि मुलुकका अन्य स्थानहरुमा पनि गर्न थालिएको छ । यवस वर्ष पनि काठमाण्डौ, पोखरा लगायतका स्थानमा झण्डा दिवस मनाइने शाहले बताए । उनले राष्ट्रिय झण्डाको सम्मानका लागि सवैलाई उपस्थिती हुन आग्रह समेत गरेकाछन् ।