नेपालगन्ज ३ साउन : नेकपा एमालेका प्रवक्ता प्रदीपकुमार ज्ञवालीले प्रधानमन्त्री शेरबहादुर देउवालाई विश्वासको मत दिनेहरु पार्टीमा नरहने बताएका छन् ।

आईतबार बसेको स्थायी कमिटी बैठकपछि बोल्दै ज्ञवालीले पार्टीको निर्णयको पालना गर्नु सबैको कर्तव्य भएको बताउँदै यस्तो बताएका हुन् ।

‘नेकपा एमालेको संस्थागत निर्णयभन्दा बाहिर गएर आफ्नै पार्टीको नेतृत्वको सरकारलाई ढलाएर बनेको सरकार या प्रधानमन्त्रीको पक्षमा मत हालिसकेपछि ती साथीहरु पार्टीभित्र रहनुहुन्न’, उनले भने ।

उनले बाँकी विषयहरु प्रतिनिधि सभामा मतदान सकिएपछि छलफल गरेर घोषणा गर्ने बताए ।