नेपालगन्ज २७ भदौ : नेपालगन्ज उपमहानगरपालिकाको प्रमुख प्रशासकीय अधिकृतमा सरुवा भइआएका शिवप्रसाद रिजाल सोमबार कार्यालयमा हाजिर भएकाछन् ।

रिजाललाई नगरप्रमुख प्रसान्त बिष्ट, उपप्रमुख कमरुद्दिन राई लगायत अन्य जनप्रतिनिधि र कर्मचारीहरुले स्वागत गरे ।

प्रमुख प्रशासकीय अधिकृत रिक्त भएको डेढ महीनापछि रिजाल सरुवा भइ आएका हुन् ।

रिजालले करिब १५ वर्ष स्थानीय तह र स्थानीय निकायमा लेखा प्रमुख, प्रमुख प्रशासकीय अधिकृत, स्थानीय विकास अधिकारी, जिल्ला समन्वय अधिकारीको रूपमा काम गरेको अनुभव छ ।

पछिल्लो पटक उनी कास्कीको सहायक प्रमुख जिल्ला अधिकारीको रूपमा कार्यरत थिए । उनको स्थायी घर पर्बत हो ।