समानुपातिक प्रणालीलाई व्यवस्थापन गर्न संविधान संशोधन आवश्यकः सभापति देउवा


समानुपातिक प्रणालीलाई व्यवस्थापन गर्न संविधान संशोधन आवश्यकः सभापति देउवा

File Photo

भक्तपुर २७ जेठ : नेपाली काँग्रेसका सभापति एवम् पूर्वप्रधानमन्त्री शेरबहादुर देउवाले समानुपातिक प्रणालीलाई व्यवस्थापन गर्न संविधान संशोधन आवश्यक भएको बताएका छन् ।

प्रत्यक्ष्य निर्वाचितलाई प्रतिनिधिसभामा र समानुपातिकलाई राष्ट्रियसभामा लैजाने गरी व्यवस्था गर्न त्यसका लागि संविधान संशोधन गर्नुपर्नेमा उनले जोड दिए ।

नेपाली काँग्रेस भक्तपुर जिल्ला कार्यसमितिले शनिबार काँग्रेस भक्तपुर जिल्ला सम्मेलनको उद्घाटन गर्दै उनले भने, ‘समानुपातिक प्रणालीलाई व्यवस्थापन गर्न संविधानमा रहेको व्यवस्था परिमार्जन गरेर जानुपर्छ, त्यसका लागि संविधान संशोधन गर्नुपर्छ, संविधान संशोधन गर्न संसद्मा दुई तिहाइ चाहिन्छ, त्यसमा सबै पार्टीमा सहमति भए गर्न नसकिने होइन, हामीले मात्रै केही गर्न सक्दैनौं ।’

काँग्रेस बलियो भए मात्रै प्रजातन्त्र बलियो हुन्छ भन्दै उनले नेता तथा कार्यकर्तालाई पार्टी बलियो बनाउन जिल्ला, पालिका, वडा, गाउँ र टोलसम्म अभियान लिएर जान निर्देशन दिए । संगठनलाई बलियो बनाउने अभियान भक्तपुरबाटै सुरू गरेर सफलता प्राप्त गर्दै देशभर फैलाउन पनि उनले नेता कार्यकर्तालाई निर्देशन दिए ।

Kids Festival 2022
kanti aarogya hospital
add

गठबन्धनको सरकारमा ठूलो पार्टी नेपाली काँग्रेस भए पनि सबैलाई चित्त बुझाएर जानुपर्ने बाध्यता रहेको बताए । गठबन्धन गरेर निर्वाचनमा जाँदा काँग्रेस ठूलो पार्टी बनेको उनले उल्लेख गरे । -रासस