नेपालगन्ज ३ असार : नेपाल प्रेस युनियनका अग्रज एवम् केन्द्रिय पार्षद, नेपाल पत्रकार महासंघका पुर्बकेन्द्रिय उपाध्यक्ष हेमन्त कर्माचार्यलाई मातृशोक परेकोछ ।

कर्मचार्यका ममतामयी आमा मिना कर्माचार्यको ८४ वर्षको उमेरमा आईतबार निधन भएको हो ।

परिवारका अनुसार केही समयदेखी अस्वस्थ रहेकी मिनाको आईतबार बिहान घरमा निधन भएको हो । उनको धार्मिक विधिपूर्वक आईतबार नै दिउँसो बाँकेको कम्दीस्थित सिधनियाघाटमा हिन्दू धार्मिक परम्पराअनुसार अन्त्येष्टी गरिएको छ ।

यसैबीच, युनियनका अग्रज एवम केन्द्रिय पार्षद कर्मचार्यलाई मातृशोक परेको प्रति नेपाल प्रेस युनियन बाँके शाखाले स्तब्ध भएको जनाएको छ ।

युनियन बाँकेका सचिव विजय मल्लले आईतबार (आज) एक शोक वक्तब्य जारी गर्दै यस दुखद घडीमा दिवंगत आत्माको चिर शान्तिको कामनासहित हार्दिक श्रद्धाञ्जली प्रकट गरेका छन् । साथै शोक सन्तप्त परिवारजनमा धैर्य धारण गर्ने शक्ति मिलोस् भनि वक्तब्यमार्फत समवेदना प्रकट गरिएको छ ।