नेपालगन्ज १९ वैशाखः जिल्ला प्रहरी कार्यालय बाँकेले भन्सार छली भित्र्याइएका ८ लाख मूल्य बराबरका मोबाईल डिस्प्ले बरामद गरेकोछ ।

प्रहरीको टोलीले नेपालगन्ज–४ बसपार्कबाट भन्सार छली गरेर ल्याइएको अवैध ४ सय पिस स्मार्ट मोबाइलको डिस्प्ले बरामद गरेको हो ।

बरामद गरिएको उक्त अवैध ४ सय पिस डिस्प्लेको मूल्य अन्दाजी ८ लाख रुपैयाँ रहेको बाँके प्रहरी प्रवक्ता डीएसपी नारायण डाँगीले बताए । बाँके प्रहरीले बरामद गरेको डिस्प्लेहरुलाई आवश्यक कारबाहीका लागि नेपालगन्ज भन्सार कार्यालय बुझाइएको प्रवक्ता डाँगीले जानकारी दिए ।