नेपालगन्ज ३० वैशाख : चालु आर्थिक वर्षको चैत मसान्तसम्ममा मुलुकको अधिकांश आर्थिक तथा वित्तीय सूचक सकारात्मक देखिएका छन् । यो अवधिसम्ममा मुद्रास्फीति वाञ्छित सीमाभित्र रहेको छ भने शोधनान्तर स्थिति र विदेशी मुद्रा सञ्चिति बढेको छ ।

यो पनि पढ्नुहोस् राष्ट्र बैंक रिपोर्ट : तराई भन्दा पहाडमा महंगी धेरै

नेपाल राष्ट्र बैंकले सार्वजनिक गरेको २०८०÷८१ को नौ महिनाको तथ्यांक अनुसार विप्रेषण (रेमिट्यान्स) आप्रवाह १९.८ प्रतिशतले बढेर १० खर्ब ८२ अर्ब ६२ करोड पुगेको छ । यस अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या तीन लाख २९ हजार ४२२ र पुनःश्रम स्वीकृति लिनेको संख्या दुई लाख १२ हजार ७२१ रहेको छ ।

चैत मसान्तसम्ममा शोधनान्तर स्थिति तीन खर्ब ६५ अर्ब १६ करोड र चालु खाता एक खर्ब ७९ अर्ब ४८ करोडले बचतमा रहेको छ।