नेपालगन्ज १८ साउन : प्युठानमा तीनजनामा हैजा संक्रमण पुष्टि भएको छ । उनीहरु एकै परिवारका सदस्य हुन् । 

गौमुखी गाउँपालिका–५ का एकै परिवारका तीनजना हैजा संक्रमित भएको गौमुखी गाउँपालिकाको स्वास्थ्य शाखा प्रमुख हरिप्रसाद जैसीले जानकारी दिए । 

तीनै जनालाई झाडापखाला लागेपछि उनीहरुको जिल्ला अस्पतालमा स्वास्थ्य परीक्षण गरिएको थियो । 

‘जिल्ला अस्पतालमा परीक्षणका क्रममा तीनैजनामा हैजा पुष्टि भएको हो’, उनले भने । गौमुखी गाउँपालिकाका आठजनामा  झाडापखाला देखिएको थियो । उनीहरुको हाल जिल्ला अस्पतालमा उपचार भइरहेको छ । -रासस