नेपालगन्ज २५ साउन : सार्वजनिक खरिद अनुगमन कार्यालयले दुई दर्जन ठेकेदार कम्पनीहरुलाई कालोसूचीमा राखेको छ ।

कालोसूचीमा राखिएका कम्पनीहरुमा नेपालगन्जका तीनसहित भारत देहरादूनस्थित भारत कन्स्ट्रक्सनलगायत छन् । भारत देहरादूनस्थित भारत कन्स्ट्रक्सनका राजीव गर्ग मुख्य व्यक्ति रहेको यो कम्पनीलाई सडक विभागको सडक सुपरीवेक्षण तथा अनुगमन कार्यालय, गाईघाट दिक्तेल सडक योजना उदयपुरले कालोसूचीमा राख्न सिफारिस गरेको थियो ।

सोही सिफारिसका आधारमा प्रधानमन्त्री कार्यालय मातहतको सार्वजनिक खरिद अनुगमन कार्यालयले तीन वर्षका लागि कालोसूचीमा राखेको छ ।

यस्तै नेपालगन्जको एडभेन्चर÷जे.वि.जे.भिलाई कालो सूचीमा राखिएकोछ । सडक विभाग, संघीय सडक सुपरीवेक्षण तथा अनुगमन कार्यालय, सडक डिभिजन, दाङको सिफारिसमा जय बागेश्वरी माता कन्स्ट्रक्सन प्रा.लि. नेपालगन्ज–१८ बाँकेका मुख्य ब्यक्ती यज्ञ बहादुर खत्री रहेकाछन् । दुई वर्षका लागि कालो सूचीमा राखिएकोछ । 

यसैगरी, श्री बिल्डर्स, राप्तीसोनारी गाउँपालिका–७, बाँकेलाई सडक विभाग, संघीय सडक सुपरीवेक्षण तथा अनुगमन कार्यालय, सडक डिभिजन, सुर्खेतको सिफारिसमा दुई वर्षका लागि कालो सूचीमा राखिएको छ । श्री बिल्डर्स राप्तीसोनारीका मुख्य ब्यक्ति शोभाराम मौर्य रहेकाछन् । 

कालोसूचीमा परेका अन्यमा सिद्धि साई प्रकाश कन्स्ट्रक्सन प्रालि क्षेत्रपाटी, देवनारायण पवन÷मैनाचुली÷खम्पाचे जेभी सिफल, एडभेन्चर कन्स्ट्रक्सन प्रालि चितवन, जयबागेश्वर माता कन्स्ट्रक्सन प्रालि नेपालगञ्ज, बराह निर्माण सेवा र सुवास निर्माण सेवा सुर्खेत लगायत छन् ।

काम सन्तोषजनक नभएमा कम्पनीहरु कालोसूचीमा पर्ने गर्दछन् । त्यस्ता कम्पनीहरु कालोसूचीमा परेको अवधिभर सार्वजनिक निकायको कुनै पनि खरिद कारबाहीमा भाग लिन पाउँदैनन् ।

हेरौं कालोसूचीमा परेका कम्पनीको विवरण