नेपालगन्ज : नेपालगन्ज उपमहानगरपालिका वडा नम्बर १० वडा समितिको कार्यालयले दुई दिने आधारभुत पत्रकारिता तथा उद्घोषण
तालिम सञ्चालन गरेको छ ।

वडाका बालक्लव र विद्यालयमा अध्यनरत किशोर किशोरीलाई लक्षित गरेर तालिम सञ्चालन गरिएको हो । ३५ जना सहभागी तालिममा सञ्चार, पत्रकारिताका विविध विधा, समाचार लेखन, उदघोषण कला आदि विषयमा प्रशिक्षक शुक्रऋषि चौलागाई र नवीन गीरिले सहजीकरण गरेका छन् ।
तालिमको उदघाटन गर्दै वडा अध्यक्ष विन्दुभुषण बस्नेतले पत्रकारिता र उदघोषण सिकाईले टोल टोलका सूचना, समाचार सार्वजनिक हुने मात्र नभई वडाको विकासमा समेत मद्दत पुग्ने विश्वास व्यक्त गरेका छन् ।

अध्यक्ष वस्नेतले बालक्लव र सञ्चारसँगको सहकार्यमा सचेतना र विकासका कार्यक्रम अगाडी बढाउने उद्घोष गरेका छन् ।
वडासदस्य नरबहादुर विष्टको अध्यक्षतामा भएको कार्यक्रममा वडासदस्य बसन्ता जोशी लगायतको सहभागीता रहेको थियो ।