हेटौंडा । भक्तपुरदेखि जन्ती बोकेर हेटौंडा जादै गरेको बस दुर्घटनामा परेको छ । मकवानपुरको कान्तिलोक मार्ग अन्र्तगत गढी गाँउपालिका–२, चैनपुरको डाँडामा जन्तीबस दुर्घटना भएको हो ।
जन्ती बस दुर्घटना हुँदा घटना स्थलमै २ जनाले ज्यान गुमाएका छन् । जन्ती बोकेर हेटौंठातर्फ आउँदै गरेको बा ४ ख २२१७ नम्बरको बस कान्तिलोक मार्ग अन्तर्गत मकवानपुरको गढी गाउँपालिका २ चैनपुर डाँडामा दुर्घटना भएको प्रहरीले जनाएको छ । भने थप दुर्घटनामा १७ जना घाइते भएका छन् ।
जन्ती बस दुर्घटनामा परेका १७ जना मध्ये ५ जनाको अवस्था गम्भीर छ । बस सडकबाट २० मिटर तल खसेर रुखमा अड्किएको थियो ।

दुर्घटनाको जानकारी पाएलगत्तै जिल्ला प्रहरी कार्यालयबाट डीएसपी यज्ञप्रसाद भट्टराईसहितको टोली घटनास्थल पुगेको छ । हाल उद्दारको कार्य चलिरहेको प्रहरीको भनाइ छ । थप विवरण आउन बाँकी छ ।