नेपालगन्ज ९ चैत : नेपालगन्ज उपमहानगरपालिका वडा नम्बर १८ का वडाअध्यक्ष दीपक बर्माले कालोपत्रे सडकको शिलान्यास गरेकाछन् ।

वडाअध्यक्ष बर्माले एक हप्ता वित्न नपाउदै अर्को बाटो कालोपत्रेका लागि शिलान्यास गरेका हुन् ।

कारकाँदो चोकदेखि २ सय मिटर पश्चिम राजकुमार बढहीको घरदेखि मानव धर्म सेवा आश्रमजाने पक्कि नालासहितको कालोपत्रे सडक निमार्णका लागि सोमबार एक कार्यक्रमकाबिच शिलान्यास गरेका हुन् ।

उक्त शिलान्यास कार्यक्रममा नेपालगन्ज उपमहानगरपालिकाका प्रमुख प्रशासकीय अधिकृत सहसचिव ओबहादुर खड्का, शेम शाक्य,ऐनबहादुर हमाल, कपील नेपाल लगायतको उपस्थिती रहेको थियो ।

उक्त योजना वडाअध्यक्ष बर्माले संघीय मामिला तथा समान्य प्रशासन मन्त्रालयको ‘तराई मधेश समृद्धि’ कार्यक्रमबाट पार्न सफल भएका हुन् ।

सोही मन्त्रालयबाट अर्को एउटा योजना ल्याउन सफल वडाअध्यक्षले गत फागुनमा शिलान्यास गरि यतिबेला पिच निर्माणको चरणमा रहेको छ । योसंगै वडाअध्यक्ष बर्माले वडामा ५ वटा बाटो निर्माणको शिलान्यास गर्दै अन्य केही पिच बाटाहरु शिलान्यास गरेर निर्माण प्रकृयामा रहेकोछ ।