नेपालगन्ज : बाँकेको कोहलपुरमा सेफ्टीट्याङ्की सफा गर्ने क्रममा दुई जनाको मृत्यु भएको छ ।

कोहलपुर नगरपालिका वडा नं.११ स्थित पिपलचौतारा नजिकै रामप्रसाद सिग्देलको घरमा रहेको सेफ्टीट्याङ्की सफा गर्ने क्रममा कोहलपुर नगरपालिका ६ रझेनाका कुमार थारु र चेतराम थारुको ज्यान गएको ईलाका प्रहरी कार्यालयका प्रहरी निरिक्षक मानबहादुर विसीले जानकारी दिए ।

सेफ्टीट्याङ्की सफा गर्न भित्र छिरेका उनीहरु लामो समयसम्म बाहिर ननिस्कीएपछि निसासिएर मृत्यु भएको हुनसक्ने विसीले बताए । ट्याक्टरको सहयोगले सेफ्टीट्याङ्कीबाट मृतकको शव निकालिएको छ ।