नेपालगन्ज २९ साउन : मौसममा आएको परिर्वतनसंगै यतिबेला नेपालगन्ज लगायत आसपास क्षेत्रमा भारी वर्षा भइरहेकोछ ।

लामो समयपछि वर्षा भएपछि यतिबेला नेपालगन्ज लगायतका क्षेत्रको मौसम चिसो बनेकोछ । लामो समयदेखि बढेको तापक्रम र किसानले रोपेको धान खेतमा पानी सुकेर धाजा परिरहेका बेला भएको वर्षाले राहत दिएकोछ ।

यसअघि विहीबार बिहानदेखि मौसममा परिर्वतन आई सामान्य वर्षा भइरहेको थियो । दुई दिनदेखिको मौसममा आएको परिर्वतनले यति बेला नेपालगन्जमा भारी वर्षा भइरहेकोछ ।

विहीबार विहानसम्म परेको झरि पछि बन्द भएपनि आकाशमा बादल फाटेको थिएन । छिटफुट वर्षा भइरहेको नेपालगन्जको मौसम शुक्रबार बिहानदेखि परिर्वतन भएको थियो ।

शुक्रबार बेलुका मौसममा आएको परिर्वतनले यतिबेला नेपालगन्जमा वर्षा भइरहेकोछ । वर्षाका कारण नेपालगन्ज कारकाँदो चोक, सेतुविक चोक लगायतका ठाउँमा पानि जमेकोछ । भने सडकमा सर्वसाधरण र सवारी कम गुडेका छन् ।