नेपालगन्ज १९ असोज : सत्ता गठबन्धनमा आबद्ध दलहरूबीच मन्त्रालयको भागबण्डा टुंगो लागेको छ । गठबन्धनका शीर्ष नेताको आज बसेको बैठकले मन्त्रालयको भागबण्डा टुंगो लगाएको हो ।

योसंगै प्रधानमन्त्री शेरबहादुर देउवा नेतृत्वको सरकारले पूर्णता पाउने भएको छ । सरकार बनेको करिब तीन महिनापश्चात् देउवा नेतृत्वको सरकाले पूर्णता पाउने भएको हो ।

शीर्ष नेताहरूबीचको सहमतिअनुसार नेकपा (एकीकृत समाजवादी) र जसपाले बराबरी चार÷चार मन्त्रालय लिनेछन् ।

यस्तै, माओवादी केन्द्रले पाँच मन्त्रालय लिने समझदारी भएको छ । सत्ताको नेतृत्वकर्ता दल नेपाली काँग्रेसले ६ मन्त्रालय मात्र लिनेछ ।

दुई मन्त्रालय महन्थ ठाकुर नेतृत्वको लोसपालाई पनि सरकारमा ल्याउने भन्दै प्रधानमन्त्री शेरबहादुर देउवाले नै राखेका छन् । प्रधानमन्त्रीले आफूसँग राखेका मन्त्रालयका विषयमा खुलाइएको छैन ।

गठबन्धनका नेताहरूको आज साँझसम्म दलहरूका तर्फबाट शीर्ष नेताले नाम दिनेछन् । भने प्रधानमन्त्रीले आजै वा भोलि बिहान मन्त्रीहरूको शपथग्रहणको तयारी गरिनेछ ।