नेपालगन्ज ३ कार्तिक : बेमौसमी अविरल वर्षाका कारण आएको बाढी–पहिरोबाट ज्यान गुमाउने परिवारलाई राहत प्रदान गरिने भएकोछ ।

सरकारले बाढी पहिरोबाट ज्यान गुमाउने परिवारलाई जनही २–२ लाख रुपैयाँ राहत दिने भएको हो ।

बुधबार बसेको मन्त्रिपरिषद बैठकले ज्यान गुमाउने ब्यक्तिका परिवारलाई २ लाख रुपैयाँ राहत दिने र अन्य राहत प्याकेजको घोषणा क्षतिको विवरण आएपछि गर्ने निर्णय गरेको छ ।

पछिल्लो ४ दिनयताको वर्षाका कारण आएको बाढी, पहिरो र डुवानका कारण देशभर ५० जना भन्दा धेरैको मृत्यु भइसकेको छ भने अझैं दर्जन बढि सम्पर्कविहीन रहेकाछन् ।