नेपालगन्ज ६ मंसिर : बाँकेको बैजनाथ गाउँपालिकामा मानव अधिकार संरक्षण तथा सामाजिक विकृति विंसगतिविरुद्ध पालिकास्तरीय समुदाय र प्रहरीविच छलफल गरिएको छ ।

इन्सेक लुम्बिनी प्रदेश कार्यालयको नेपालगन्ज, सिसु, जिल्ला प्रहरी कार्यालय बाँके, नेपाल पत्रकार महासंघ बाँके, डिसिए परियोजना बाँकेको आयोजनामा उक्त छलफल गरिएको हो ।

कार्यक्रममा इन्सेक लुम्बिनी प्रदेश कार्यालय नेपालगन्जका प्रमुख भोला महतले मानव अधिकारका क्षेत्रमा सुधारका सवाल र समाजिक विकृति विंसगतिविरुद्ध समाजको भूमिका महत्व रहेको बताए ।

बाँकेका एसपी श्यामकृष्ण अधिकारीले प्रहरी र समाजविचको दूरी घट्न आवश्यक रहेको बताए । उनले प्रहरी र नागरिकको सम्बन्ध मजबुद भए समाजमा मानव अधिकार र न्यायिक कार्य सम्पादनमा सहज हुने जिकिर गरे ।

बैजनाथ गाउँपालिका अध्यक्ष मान बहादुर रुचालको अध्यक्षतामा भएको कार्यक्रममा प्रमुख जिल्ला अधिकारी सूर्य बहादुर खत्रीले मानव अधिकार समय अनुकूल आधारभूत आवश्यकता अनुसार परिमार्जन हुने बताए ।