नेपालगन्ज: मोटरसाईकल दुर्घटनामा गम्भीर घाइते भएकी श्यामकला घर्तीलाई लखनऊ रिफर गरिएकोछ । नेपालगन्ज मेडिकल कलेज कोहलपुरमा उपचारार्थ घर्तीको कोहलपुरमा उपचार सम्भव नभएपछि उनलाई लखनउ लगिएको बुझिएकोछ ।

कोहलपुरस्थित साझा चोकमा बिहीबार दुर्घटना हुदाँ उनी गम्भीर घाईते भएकी थिइन भने दुर्घटना स्थलमा कोहलपुरका ६० वर्षीय खड्कबहादुर घर्तीमगरको मृत्यु भएको प्रहरीले जनाएकोछ ।

मोटरसाइकल र ट्रयाक्टर आपसमा ठोक्किँदा भएको दुर्घटनामा मोटरसाइकल चालक खड्कबहादुरको मृत्यु भएको हो ।

नेपालगन्जबाट कोहलपुर जाँदै गरेको भे१त ६४६९ नम्बरको ट्रयाक्टर र कोहलपुरबाट नेपालगन्जतर्फ आउँदै गरेको भे४प ७३२९ नम्बरको मोटरसाइकल एकआपसमा ठोक्किँदा दुर्घटना भएको प्रहरीले जनाएको छ । ट्रयाक्टर र चालकलाई ईलाका प्रहरी कार्यालय कोहलपुरले नियन्त्रणमा लिएको छ ।