नेपालगन्ज १६ मंसिरः संघीय संसद्का दुवै सदनको अधिवेशन आह्वान गरिएकोछ । आगामी मंसिर २८ गतेका लागि दुबै सदनको अधिवेशन माग गरिएको हो ।
राष्ट्रपति विद्यादेवी भण्डारीले विहीबार आगामी मंसिर २८ गते मङ्गलबार दिउँसो २ बजेकाका लागि दुबै सदनको बैठक आह्वान गरेकी छन् ।
उनले नेपालको संविधानको धारा ९३ को उपधारा (१) बमोजिम नेपाल सरकार मन्त्रिपरिषद्को सिफारिसमा राष्ट्रिय सभा र प्रतिनिधिसभाको अधिवेशन आह्वान गरेको राष्ट्रपतिको कार्यालयले जनाएको छ ।