नेपालगन्ज २४ मंसिर : नेपाली काँग्रेसको १४ औं महाधिवेशन अन्तरगत पौडेल (संस्थापनइतर) पक्षले आज बेलुका आधिकारिक उम्मेदवार घोषणा गर्ने भएकोछ । महाधिवेशनको उद्घाटन शत्रसकिए लगत्तै बेलुका ५ बजे संस्थापनइतको बैठक बसेर उमेदवार तय गर्ने निर्णयमा नेताहरु सहमत भएका हुन् ।

‘उक्त बैठकमा जिल्ला सभापतिहरु, जिल्लाका पूर्व सभापतिहरु तथा केन्द्रीय सदस्यहरुसहित नेताहरु बसेर आधिकारिक टिम घोषणा गर्ने सहमति भएको छ,’ एक काँग्रेस नेताले भने । बैठक अनुपम फुडल्यान्ड बत्तिसपुतलीमा बस्ने छ ।

काँग्रेस नेताहरु वरिष्ठ नेता रामचन्द्र पौडेल निवास बोहराटार पुगेर पौडललाई महाधिवेशनको उद्घाटनसत्रमा सहभागी हुन सहमत गराएका छन् । साँझसम्म साझा उमेदवार तय गर्ने नेताहरुले प्रतिबद्धता जनाएपछि पौडेल उद्घाटनशत्रमा सहभागी हुन तयार भएका हुन् । महेश आचार्य, बलबहादुर केसी, अर्जुननरसिंह केसी, गगन थापा, रामशरण महत पौडेल निवास पुगेका थिए ।

पौडेलले वक्तव्य जारी गरेर महाधिवेशनको उद्घाटन कार्यक्रममा नजाने तयारी गरेपछि संस्थापनइतरका नेताहरु पौडेल निवास बोहोराटार पुगेका थिए ।