नेपालगन्ज २७ मंसिर : नेपाली काँग्रेस बाँकेको सभापतिको जिम्मेवारी समेत सम्हालिसकेकी नेतृ किरण कोइराला केन्द्रिय सदस्यको दौडमा रहेकी छन् । काँग्रेस बाँकेकी नेतृ किरण पार्टीका पुर्वसभापति तथा पुर्वप्रधानमन्त्री स्वर्गीय सुशिल कोइरालको सहोदर भाई बुहारी हुन् ।

नेपाली काँग्रेस बाँकेको सभापतिको जिम्मेवारीमै रहँदा नेतृ किरणका पति डाक्टर अरुण कोइरालाको असमायिक निधन भएको थियो । सहोदर जेठाजु सुशिल र पति अरुणको मार्गलाई पछ्याउँदै उनले बाँकेमा कोइराला परिवारको विरासत थाम्दै आएकी छिन् ।

यही विरासत जोगाउन र माथिल्लो तहमा आफ्नो कार्यकुशलता एवम क्षमता देखाउन यतिबेला नेतृ किरण केन्द्रिय कार्यसमिति सदस्यको दौडमा रहेकी छन् । केन्द्रिय कार्यसमिति सदस्यका लागि उनी पश्चिम क्षेत्रबाट कोइराला परिवारको एक मात्र प्रतिनिधी समेत हुन् । यसले पनि उनीमाथि कोइराला विरासत जोगाउने ठूलो जिम्मेवारी छ ।

पार्टीको १४ औं महाधिवेशनमा संस्थापन इतर(शेखर कोइराला) प्यानलबाट केन्द्रिय सदस्य(महिला खुल्ला)मा उम्मेदवारी दिएकी नेतृ किरणले आफ्नो प्रचार प्रसारलाई तिब्रता दिएकी छन् ।

‘मैले महाधिवेशन प्रतिनिधीसहित शीर्ष तहका सबैजसो नेतालाई पनि भेटेर भोट मागिरहेकी छु, नेताहरुले तपाई जित्नु हुन्छ भनेर भन्नु भएको छ, मलाई अग्रिम शुभकामना पनि दिइरहनु भएको छ,’ उनले भनिन् । आफुले केन्द्रिय सदस्यमा उम्मेदवारी दिएकाले देशभरका महाधिवेशन प्रतिनिधीले सहयोग गर्नेमा नेतृ किरण आशावादी छिन् ।

सहोदर जेठाजु सुशिल र पति अरुणको मार्गलाई पछ्याउँदै आएकी किरण यदि काँग्रेस केन्द्रिय सदस्यमा निर्वाचित भइन भने कोइराला विरासत जोगाउने यात्रा अघि बढ्नेछिन् ।