नेपालगन्ज ६ माघ : नेपालगन्जको तेजनगरमा हाईमास्टको शिलान्यास गरे लगत्तै वडाअध्यक्ष दीपक बर्माले कालोपत्रे सडकको शिलान्यास गरेकाछन् ।

गत हप्तामात्रै नेपालगन्जको तेजनगरमा वडाको लागतबाट निर्माण भइरहेको हामईमास्ट जडानका लागि उनले शिलान्यास गरे लगत्तै वडाभित्र भित्र अर्को सडक निर्माणका लागि आज उनले शिलान्यास गरे ।

नेपालगन्ज उपमहानगरपालिका वडा नम्बर–१८ ‘अमरनगर’ टोलमा सिद्धार्थ भ्यूदेखि पूर्व कुखुरा फारम हुँदै लग्दहवा जोड्ने कालो पत्रे सडक निर्माणका लागि बिहीबार वडाअध्यक्ष बर्माले शिलान्यास गरेका हुन् ।

चालु आर्थिक वर्षमा वडा नम्बर–१८ भित्र पुर्वाधार बिकास तिब्र गतिमा अगाडी बढी रहेको बताउँदै वडा अध्यक्ष बर्माले यो हालसम्म ११ वटा पीसीसी सडक र तीन वटा कालो पत्रे सडक निर्माण सम्पन्न भइ सकेको बताए ।

वडाअध्यक्ष बर्माले बाँकी सडकहरुको ठेक्का प्रक्रियामा रहेको जानकारी दिदै चालु आर्थिक वर्षमा गरीब मधेसी तथा दलित बस्तीमा धारा जडान तथा घरेलु शौर्य सोलार जडान गरिने बताए ।

स्थानीय टोलबासीको बाक्लो उपस्थितिमा सडक शिलान्यास गरेका वडाअध्यक्ष बर्माले सडक निर्माण हुने भएपछि टोलबासी खुशी भएका थिए । सडक निर्माण हुने भएपछि वडाअध्यक्ष बर्मा र वडा सदस्य दिग्बिजय ढुंगानालाई स्थानीयबासी तथा टोल विकास समिति अध्यक्ष लगायतले दोसल्लाहा ओढाएर सम्मान गरेका थिए ।

थप समाचार

हाईमाष्ट लाईटको उज्यालोमा चम्किनेछ तेजनगर