नेपालगन्ज ३ फागुन : नेपाली काँग्रेसले १० वटा भ्रातृ संस्थाका केन्द्रीय कार्यसमिति भंग गरेकोछ ।

काँग्रेसको मंगलबार बसेको केन्द्रीय कार्यसम्पादन समितिको बैठकले अधिवेशन गर्न नसकेका १० भ्रातृ संस्थाको केन्द्रीय समिति भंग गर्ने निर्णय गरेको हो ।

नेपाल विद्यार्थी संघ, नेपाल प्रजातन्त्र सेनानी संघ, नेपाल किसान संघ, नेपाल आदिवासी जनजाति संघ, नेपाल लोकतान्त्रिक अपांग संघ, नेपाल तामाङ संघ, नेपाल ठाकुर समाज, नेपाल महिला संघ, नेपाल तरुण दल, र नेपाल भूतपूर्व सैनिक संघका केन्द्रीय समितिहरू भंग गर्ने निर्णय गरिएको हो । फागुन अन्तिम्मसम्म नयाँ तदर्थ समिति बनाउने अधिकार सभापतिलाई दिइएको प्रवक्ता प्रकाशशरण महतले जानकारी दिए ।