नेपालगन्ज १५ फागुन : बलात्कारको जाहेरी परेपछि लुकेर बसेका अभिनेता पल शाह पक्राउ परेका छन् । जिल्ला प्रहरी कार्यालय तनहुँको प्रहरीले उनलाई आज पक्राउ गरेको हो ।

पलविरुद्ध जिल्ला प्रहरी कार्यालय तनहुँमा नाबालिगमाथि जबर्जस्ती करणीको जाहेरी परेको थियो । जाहेरी परेयता उनी फरार रहेका थिए ।

आज विहान मात्रै शाहले आफ्नो स्वास्थ्य स्थिति बिग्रिएको र आफ्नो फिल्म ‘म यस्तो गीत गाउँछु २’ प्रदर्शन भइरहँदा आफ्नो कारण फिल्मलाई असर पर्ने डरले प्रहरीको सम्पर्कमा नआएको भन्दै फेसबुकमा लेखेका थिए । शाहले फेसबुकमा लेखेका छन्, ‘नेपालको कानूनलाई सम्मान गर्दै आज (आइतबार) नेपाल प्रहरीसामु म आफैं उपस्थित हुने जानकारी सम्पूर्णमा दिन चाहन्छु ।’

पललाई आज नै प्रहरीले नियन्त्रणमा लिएको तनहुँ प्रहरीले पुष्टि गरेको छ । उनलाई जिल्ला प्रहरी कार्यालय तनहुँमा राखिएकोछ । यसअघि पलले आफूलाई काठमाडौंमा पक्राउ नगर्न आग्रह गरेका थिए । काठमाडौंमा आफू पक्राउ परे युट्यूवरले तमासा गर्ने भएकाले पलले जाहेरीस्थल जिल्ला प्रहरी कार्यालय तनहुँमै पक्राउ दिन चाहेको थिए ।

थप समाचार

अभिनेता पल शाहले भने– ‘कानूनलाई सम्मान गर्दै आज प्रहरीसामु म आफैं उपस्थित हुनेछु’

पल शाहविरुद्ध जवरजस्ती करणी गरेको भन्दै प्रहरीमा जाहेरी