नेपालगन्ज २८ फागुन : राष्ट्रिय प्रजातन्त्र पार्टीका अध्यक्ष राजेन्द्र लिङ्देनले आईतबार नेपालगन्जको त्रिभुवन चोकमा सम्बोधन गर्ने भएकाछन् ।

राप्रपा बाँकेले आईतबार नेपालगन्जको त्रिभुवन चोकमा गर्ने आमसभा पार्टी अध्यक्ष राजेन्द्रले सम्बोधन गर्ने भएका हुन् । शनिवार सुर्खेतको विरेन्द्रनगरमा भएको आमसभालाई सम्बोधन गरेका अध्यक्ष राजेन्द्र आईतबार नेपालगन्जमा हुने सभालाई सम्बोधन गर्दैछन् ।

राजेन्द्र अध्यक्षमा निर्वाचित भएपछि राप्रपाले पार्टीको निति, भावि दिशा र लक्ष्य उद्देश्य जनतालाई प्रष्ट पार्न तथा जनमत बढाउने उद्देश्यले देशका विभिन्न सहरहरुमा आमसभा गरिरहेको छ ।

सोही क्रममा नेपालगन्जमा आमसभा गर्न लागिएको र सो आमसभाको सबै तयारी पुरा गरिएको राप्रपाका सहायक सहमहामन्त्री ऋषिराज देवकोटाले बताए ।

उनले त्रिभुवन चोकमा आईतबार १२ बजे हुने सभामा अहिलेसम्मको ठूलो संख्यामा जनाको उपस्थिति हुने दावि गरे ।

सो सभालाई अध्यक्ष लिङ्देनका साथै उपाध्यक्ष विक्रम पाण्डे, महासचिव एवम नेपालगन्जका मेयर डाक्टर धवल शम्शेर राणा, महामन्त्री कुन्ती शाही, वरिष्ठ नेताहरु फत्तेहसिंह थारु र प्रेम बहादुर भण्डारी, प्रवक्ता ज्ञानेन्द्र शाही र केन्द्रिय सदस्य रेखा थापा लगायतले सम्बोधन गर्ने कार्यक्रम रहेको छ ।