नेपालगन्ज ११ साउन : नेपालगन्ज नव निर्मित सिनेमा हल सिने रोयल आज देखि शुभारम्भ हुँदै छ । उच्च प्रविधियुक्त यो सिनेमा हल लागतको हिसाले नेपालकै मध्येको एक हो ।

लक्जरी मल्टिप्लेक्स सिनेमा हल ‘सिने रोयल आजदेखि शुभारम्भ हुन लागेको सिने रोयलका संचालक डा. राहुल थापाले बताए ।

यो सिने रोयल थ्री वे डल्बी एटमस साउण्ड सिस्टम र फोर के लेजर प्रोजेक्टर प्रोजेक्सनमा आधारित मल्टिप्लेक्स सिनेमा हल भएको थापाले बताए । यो सिने रोयलमा एकै पटक ३ वटा फिल्म संचालन हुने भएकाले दर्शकले जुन फिल्म मन लाग्यो त्यहि हेर्न पाउने छन् ।

सञ्चालक थापाका अनुसार, करिब २५ करोड लागतमा निर्माण सम्पन्न भएको सिने रोयलमा लक्जरी २ सय ५० जना क्षमताका दुई वटा हल र अपाङ्तामैत्री पूर्वाधारसहितको १ सय ५० सिट क्षमताको एउटा हल रहेको छ । यो हलमा बस्ने सिट पनि एकदमै लक्जरी रहेका छन् ।