नेपालगन्ज: कोरोना भाइरस (कोभिड(१९) को संक्रमणबाट वेलायतमा एक नेपालीको मृत्यु भएको खबर सार्वजनिक भएसगैं बहराईनमा भएका नेपालीमा संक्रमण देखिएकोछ ।

बहराइनमा रहेका तीन नेपालीलाई कोरोना भाइरस (कोभिड–१९)को संक्रमण देखिएको बहराइनका लागि नेपाली राजदूत पदम सुन्दासले यसको पुष्टि गरेका छन् ।

कोरोनाको संक्रमणको आशंकामा थप तीन नेपालीलाई क्वारेन्टाइनमा राखिएको राजदूत सुन्दासले जानकारी दिए । बहराइनमा रोजगारीका लागि करिब ३५ हजार नेपाली पुगेका छन् ।

बहराइनमा कुल ३ सय १० जनामा कोरोनाको संक्रमण देखिएको छ । उनीहरू मध्ये १ सय २५ जनामा निको भइसकेका छन्, भने एक जनाको मृत्यु भइसकेको छ ।