नेपालगन्जः कोरोनाको उच्च जोखिम रहेको नेपालमा दिनप्रतिदिन संक्रमित भेटिदै आएकोछ ।

फ्रान्सबाट नेपाल आएकी एक १९ वर्षीय किशोरीलाई सोमबार मात्रै कोरोना भाइरस पोजिट देखिएको थियो । त्यसको ठिक तीनदिनमा अर्को संक्रमित भेटिएकोछ ।

योसँगै नेपालमा कोरोना संक्रमितको संख्या तीन पुगेको छ । जसमध्ये एकजना यसअघि पूर्णरुपले निको भइसकेकाछन् ।

टेकुस्थित शुक्रराज ट्रपिकल अस्पतालले पठाएको नमुनामा पोजेटिभ देखिएको हो । यद्यपी उनको नाम खुलाइएकोछैन । नेपालमा अहिलेसम्म ६ सय ८७ जनाको नमुना परीक्षण गरिँदा ६ सय ८४ को रिपोर्ट नेगेटिभ आएको छ ।