नेपालगन्ज: नेपाल सरकारले चिनबाट मेडिकल सामग्री ल्याएको छ । राष्ट्रिय ध्वजावाहक नेपाल वायु सेवा निगमको वाइडबडी जहाजमार्फत उक्त सामाग्री नेपाल ल्याइएको हो ।

चिनको ग्वाङजाओबाट कोरोना भाइरस जाँचका लागि प्रयोग हुने एक लाख पिपिई र ५० हजार किट लगायत मेडिकल सामग्री बोकेर आएको वाइडबडी जहाज आईतबार बिहान त्रिभुवन अन्तर्राष्ट्रिय विमानस्थलमा अवतरण गरेकोछ ।

औषधि उपचारजन्य सामग्री लिन निगमको वाइडबडी जहाज शनिबार दिउँसो चिनको ग्वाङ्जाओ गएको थियो ।