यद्यपि ग्यालेक्सी एफ सार्वजनिक हुने एकिन मिति त घोषणा भएको छैन तथापि फेब्रुअरी २० मा हुने एक विशेष समारोहका बेला सामसुङले यस स्मार्टफोनका बारेमा केही जानकारी सार्वजनिक गर्ने अपेक्षा गरिएको छ । उक्त दिन सामसुङले ग्यालेक्सी एस १० सार्वजनिक गर्नेछ ।

भिडियोमा सामसुङका केही अन्य स्मार्टफोन तथा प्रडक्टका अलावा फोल्डेबल स्मार्टफोन पनि प्रष्ट रुपमा देख्न सकिन्छ ।

के के हुनेछन् फोल्डेबल स्मार्टफोनका फिचर्स ?

रिपोर्ट अनुसार सामसुङको फोल्डेबल स्मार्टफोनमा ७.३ इन्चको स्क्रिन हुनेछ । यसलाई फोल्ड गरेर एउटा सानो ट्याबलेटमा बदल्न सकिनेछ । स्क्रिनको एस्पेक्ट रेसियो ४ः२ः३ तथा रिजोलुसन १५३६ गुणा २१५२ पिक्सेल हुनेछ । यसमा ८ जिबी र्याम तथा १२८ जिबी स्टोरेज हुनेछ ।

यो फोनमा एक्जीनोस ९८२० वा क्वालकोम ८५५ प्रोसेसर रहने बताइएको छ । उक्त स्मार्टफोनको मूल्य १८ सय अमेरिकी डलर हुनेछ । एजेन्सी