नेपालगन्ज : बाँकेका विभिन्न आइसोलेसन सेन्टरबाट ५१ जना कोरोना संक्रमित निको भएर डिस्चार्ज भएकाछन् । आइसोलेसन अवधि पूरागरि यी कोरोना संक्रमित शुक्रबार निको भएर डिस्चार्ज भएका हुन् ।

हरितालिका तीजको बहानामा आइसोलेसन अवधि भन्दा एक दिन अगावै डिस्चार्ज गर्न लागिएको खवर बाहिरिएपछि यसको विरोध भएको थियो ।
सामाजिक सञ्जालमा चर्को विरोधपछि प्रशासनले उनीहरुलाई रातको १२ बजे डिस्चार्ज गर्ने आश्वासन दिएको थियो । तर, आफूहरु रातको १२ बजे डिस्चार्ज नहुने अडान संक्रमितले राखेपछि उनीहरुलाई विहानै डिस्चार्ज गरिएको जिल्ला स्वास्थ्य कार्यालय, बाँकेका कोरोना फोकल पर्सन नरेशबाबु श्रेष्ठले जानकारी दिए ।

यसरी शुक्रबार कोरोनालाई जितेर फर्किनेमा नेपालगन्ज उद्योग बाणिज्य संघका पूर्व अध्यक्ष एबम ब्यापारी नेता कृष्णप्रसाद श्रेष्ठ, युवा नेता हुकुम केसी, पत्रकार खगेन्द्र दाहाल लगायतका ब्यक्ति शुक्रवार विहान डिस्चार्ज भएका छन् । ‘मापदण्ड अनुसार १४ दिन आइसोलेसन अवधि पुरा गरेका ५१ जनालाई थप ७ दिन होम आइसोलेसनमा बस्ने गरि डिस्चार्ज गरिएको छ,’ बाँकेका कोरोना फोकल पर्शन श्रेष्ठले भने ।

शुक्रबार ५१ जना डिस्चार्ज भएसगैं बाँकेमा कोरोनामुक्त हुनेको संख्या ५ सय ४७ पुगेको छ । यसअघि बाँकेमा दुई महिला सहित चार जनाको कोरोनाका कारण मृत्यु भइसकेको छ ।