नेपालगन्जः नेपालगन्ज मेडिकल कलेज शिक्षण अस्पताल कोहलपुरमा थप एक जना कोरोना संक्रमितको मृत्यु भएकोछ ।

नारायण नगरपालिका वडा नम्बर ८ दैलेखका ५१ वर्षिय पुरुषको आईतबार दिउँसो पौने १ बजे मृत्यु भएको हो ।

कोभिड–१९ संकट ब्यवस्थापन केन्द्र बाँकेका अनुसार कर्णाली प्रदेश अस्पताल सुर्खेतबाट आन्द्रा फुटेको समस्या लिएर उपचारका लागि नेपालगन्ज मेडिकल कलेज शिक्षण अस्पताल कोहलपुर हिजो राती पौने एक बजे आएका थिए ।

उपचारका क्रममा उनको मृत्यु भएको केन्द्रले जनाएकोछ। योसगै बाहिरी जिल्लाबाट बाँकेमा उपचारका लागि आएका कोरोना संक्रमित ब्यक्रिको मृत्यु संख्या १० पुगेकोछ । यसअघि आईतबार विहान कञ्चनपुरकी एक सुत्केरी महिलाको मृत्यु भएको थियो ।