नेपालगन्ज : जिल्ला ट्राफिक प्रहरी प्रमुख प्रहरी निरीक्षक राजु भण्डारीले परीणाममुखी गतिविधि सञ्चालन गर्ने बताएकाछन् ।

जिल्लाको ट्राफिक ब्यवस्थापन चुस्त, दुरुस्त र व्यवस्थित बनाउँदै यसका लागि एक दिन एक अभियान सञ्चालन गरिने प्रहरी निरीक्षक भण्डारीले बताए ।

नेपालगन्जमा सोमबार पत्रकारहरुबीच गरिएको परिचयात्मक कार्यक्रममा बोल्दै बाँके ट्राफिक प्रहरी प्रमुख प्रहरी निरीक्षक भण्डारीले सुरक्षित सडक र व्यवस्थित सहर बनाउने कार्यमा ट्राफिक प्रहरी केन्द्रित हुने बताए ।

उनले ट्राफिक प्रहरीको एकल प्रयासमा मात्र यो सम्भव नभएको भन्दै आम जिल्लाबासीले सहयोग पुर्याउनुपर्ने धारणा राखे ।

कोरोना भाइरस संक्रमणको जोखिमकाबीच आएको चाडबाडमा उच्च सावधानी अपनाउँदै सडक दुर्घटना न्यूनीकरणदेखि व्यवस्थित पार्किङ आफ्नो प्राथमिकतामा रहेको उनले बताए ।

यस्तै पत्रकारसंग छलफल गर्दै ट्राफिक प्रहरी प्रमुख प्रहरी निरीक्षक भण्डारीले नेपालगन्जमा अटो र ई–रिक्सा व्यवस्थापन टाउको दुःखाईको विषय बनेको बताउँदै यसको व्यवस्थापनका लागि समन्वय गरिने जानकारी दिए ।