नेपालगन्जः बाँकेमा थप ३८ जना कोरोना संक्रमित निको भएर डिस्चार्ज भएकाछन् ।

जिल्ला कोभिड–१९ संकट ब्यवस्थापन केन्द्र बाँकेका अनुसार जिल्लाका विभिन्न अस्पताल, आइसोलेसन तथा होम आइसोलेसनमा रहेका ३८ जना कोरोना संक्रमित निको भएर आज शनिबार डिस्चार्ज भएका हुन् । यो सङ्गै बाँकेमा कोरोना संक्रमणबाट मुक्त हुनेको संख्या २ हजार ८ सय २४ पुगेको छ ।

बाँकेका फोकल पर्शन नरेशबाबु श्रेष्ठका अनुसार शनिबार बाँकेका १८ महिला र २० पुरुष गरी ३८ जना संक्रमित कोरोना मुक्त भई डिस्चार्ज भएका हुन् । उनीहरुलाई कात्र्तिक ५ गते कोरोना संक्रमण देखिएपछि जिल्लाका विभिन्न अस्पताल, आइसोलेसन सेन्टर तथा होम आइसोलेसनमा रही स्वास्थ्य लाभ लिएका थिए ।

हाल जिल्लाका विभिन्न आइसोलेसन केन्द्रमा २५६ जना सक्रिय संक्रमित उपचाररत छन् । बाँके जिल्लामा हालसम्म कोरोना संक्रमितको संख्या ३ हजार ११० पुगेकोछ । भने ३० जनाको कोरोनाका कारण मृत्यु भईसकेको छ ।