नेपालगन्ज : नेपालगन्ज उपमहानगरपालिका वडा नम्बर २० राँझाकी ६० वर्षिया एक कोरोना संक्रमित महिलाको उपचारका क्रममा शनबिार बेलुका मृत्यु भएकोछ ।
जिल्ला कोभिड –१९ संकट ब्यवस्थापन केन्द्र बाँकेका अनुसार नेपालगन्ज मेडिकल कलेज शिक्षण अस्पताल कोहलपुरमा उपचाररत ती ६० वर्षिय महिलाको शनिबार बेलुका साढे ५ बजे मृत्यु भएको हो ।
स्वास्थ्यमा समस्या आएपछि कार्तिक ८ गते स्वाब परीक्षण्ढगर्दा सोही दिन आएको रिर्पोटमा उनीमा पोजेटिभ पाइएको थियो ।
कोरोना पोजेटिभ पाइएपछि नेपालगन्ज मेडिकल कलेज शिक्षण अस्पताल कोहलपुरको कोभिड–१९ युनिटमा भर्ना गरि उपचार शुरु गरिएको थियो ।
स्वासप्रश्वासमा समस्या आएपछि महिलाको रोगको प्रकृति अनुसरा सम्पूर्ण पद्धती अपनाई उपचार गर्दा समेत उनको स्वास्थ्यमा सुधार नभएपछि शनिबार बेलुका साढे पाँच बजे मृत्यु भएको केन्द्रले जनाएकोछ ।
लामो समयदेखि मधुमेह रोगबाट ग्रसित ती महिलाको मृत्यु भएसगैं बाँकेमा कोरोना संक्रमित मृतकको संख्या ३१ पुगेकोछ ।