नेपालगन्ज: नारायण नगरपालिका वडा नम्बर २, दैलेख निवासी ४४ वर्षिया एक महिलाको उपचारका क्रममा मृत्यु भएकोछ।

कोरोना संक्रमित ती महिलाको उपचारका क्रममा नेपालगन्ज मेडिकल कलेज शिक्षण अस्पताल नेपालगन्जमा मृत्यु भएको हो । यो भन्दा पहिले बाँके बाहिरी जिल्लाका ३३ जना कोरोना संक्रमितको बाँकेमा उपचारका क्रममा मृत्यु भइसकेको छ ।

जिल्ला कोभिड –१९ संकट ब्यवस्थापन केन्द्र बाँकेका अनुसार नेपालगन्ज मेडिकल कलेज शिक्षण अस्पताल नेपालगजनमा २४ गते भर्ना भएकी ती महिलाका उपचारका क्रममा मङ्गलबार बेलुकी साढे ८ बजे मृत्यु भएको हो ।

कोरोना संक्रमणको आशंकामा उनको २४ गते स्वाब परीक्षण गर्दा २५ गते बेलुका ४ बजे आएको रिर्पोटमा कोरोना पोजेटिभ पाइएको थियो ।

कोरोना संक्रमित ती महिलालाई बचाउन अक्सिजन सहित भेन्टिलेटरमा राखी रोगको प्रकृति अनुसार सम्पूर्ण पद्धती अपनाएर उपचार गर्दा समेत स्वास्थ्यमा सुधार नहुदाँ दुवै तर्फको फोक्सोको निमोना भइ मृत्यु भएको केन्द्रले जनाएकोछ ।