नेपालगन्जः कोरोना भाइरस संक्रमणबाट थप १३ जनाको मृत्यु भएकोछ । योसँगै कोरोना संक्रमणका कारण मृत्यु हुनेको संख्या नेपालमा १७ सय ४३ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा थप ७३६ जना कोरोना संक्रमण देखिएकोछ । योसँगै नेपालमा कुल संक्रमितको संख्या २ लाख ५० हजार ९१६ पुगेको मन्त्रालयले जनाएकोछ ।

पछिल्लो २४ घण्टामा ५ हजार ५ सय ५५ जनाको पीसिआर परीक्षण गरिएको थियो । नेपालमा हालसम्म १८ लाख ४९ हजार १३६ जनाको पीसिआर परीक्षण भएको छ ।

मन्त्रालयका अनुसार हाल क्वारेन्टिनमा ४ सय ५२ जना रहेका छन् भने नेपालमा हालसम्म कुल संक्रमितमध्ये ९ हजार ७५७ जना सक्रिय संक्रमित छन् ।

यस्तै आज ८४७ जना कोरोना संक्रमणमुक्त भएका छन् । योसँगै कुल निको हुनेको संख्या २ लाख ३९ हजार ४१६ पुगेको छ ।