बाँसगढी(बर्दिया) : भ्रष्टाचार बिरुद्ध क्रियाशिल संस्था बासले बर्दियाको बाँसगढीमा उपशाखा विस्तार गरेको छ । बाँसगढीमा बुधबार बसेको युवाहरुको भेलाले राज सिंह थारुको अध्यक्षतामा ११ सदस्सीय समिति गठन गरेको छ ।

यसरी गठित उपशाखाको उपाध्यक्षमा पुनम थापा, सचिवमा सृजना सुवेदी, सह–सचिवमा हिना जागा र कोषाध्यक्षमा सरस्वती अधिकारीलाई चयन गरेको छ ।

यसैगरी उपशाखाको सदस्यहरुमा क्रमशः हिरामणी उपाध्याय, सुरेन्द्र थारु, राधिका अधिकारी, पुजा अधिकारी, निशा शाह र प्रकाश बिक रहेका छन् ।

उपशाखा गठन बासका केन्द्रीय अध्यक्ष रमेश सिटौला, महासचिव शिवकुमार बर्मा, कार्यकारी निर्देशक नमस्कार शाहको उपस्थितीमा रहेको थियो ।

नवगठित उपशाखा अध्यक्ष थारुले बाँसगढीमा युवाहरुलाई एकताबद्ध गरि भ्रष्टाचार बिरुद्धको अभियानलाई सशक्त रुपमा अगाडी बढाउने प्रतिबद्धता ब्यक्त गरेका छन् ।