नेपालगन्ज : बाँकेमा थप १२ जाना ब्यक्तिमा कोरोना संक्रमण पुष्टि भएकोछ ।

जिल्ला कोभिड–१९ संकट ब्यवस्थापन केन्द्र बाँकेका अनुसार ५ मलिा र ७ पुरुष सहित बाँकेका थप १२ जनामा कोरोना पुष्टि भएको हो ।

भेरी अस्पताल नेपालगन्जको प्रयोगशालाबाट ७ जना तथा नेपालगन्ज मेडिकल कलेज शिक्षण अस्पताल कोहलपुरको प्रयोगशालाबाट ५ जना गरि १२ जनामा कोरोना पुष्टि भएकोछ । योसंगै बाँकेमा कुल कोरोना संक्रमित संख्या ४ हजार ४ सय ५० पुगकोछ ।

केन्द्रका अनुसार बुधबार बाँकेका २ जना संक्रमित निको भएका छन् । यसरी हालसम्म जिल्लाका कुल ४ हजार २ सय ९८ जना निको भइसकेकाछन् ।

यस्तै केन्द्रका अनुसार बाँकेमा हालसम्म १०४ जना सक्रिय संक्रमित हुदाँ बाँकेका ४८ जना तथा बाँकेमा उपचारका लागि आएका बाहिरी जिल्लाका ८० जना सहित कुल १२८ जनाको मृत्यु भइसकेकोछ ।