नेपालगन्ज २४ माघ : कोरोना भाइरस विरुद्धको खोप अभियानको आज एघारौं दिन । आजसम्म नेपालमा कोरोना विरुद्धको खोप लगाउनेको संख्या एक लाख ७१ हजार नाघेको छ ।

कोरोना विरुद्धको खोप अभियानको दशौँ दिन शुक्रबार बेलुकासम्ममा देशभर एक लाख ७१ हजार ४ सय ८६ जनाले खोप लगाएका छन् ।

देशका ७७ जिल्लाका २ सय १ खोप केन्द्रहरुबाट उनीहरुलाई खोप लगाइएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार प्रदेश १ मा २३ हजार ८२, प्रदेश २ मा २२ हजार ७ सय ५६, बागमतीमा ५९ हजार ९ सय ४२, गण्डकीमा १७ हजार ३ सय १५ जनाले खोप लगाएका छन् ।

यता लुम्बिनी प्रदेशमा २६ हजार ८ सय ९८, कर्णालीमा ८ हजार ६ सय ८४ र सुदूरपश्चिम प्रदेशमा १२ हजार ८ सय ९ जनाले खोप लगाएका छन् ।

यसरी खोप लगाउनेमा सबैभन्दा बढि बागमती प्रदेश र दोस्रोमा लुम्बिनी प्रदेशमा खोप लगाइएकोछ ।

पहिलो चरणको खोप अभियान (आज) शनिबारसम्म चल्नेछ । दोस्रो चरणको खोप बारे छिट्टै नै जानकारी गराइने मन्त्रालयले जनाएको छ ।