सोमबार, वैशाख २७, २०७८   ११:१६:२५

नेपालमा एकै दिन कोरोनाले लियो १३ जनाको ज्यान


सेतोखरी   2077-12-30

नेपालगन्ज ३० चैत : नेपालमा एकै दिन कोरोना भाइरसले १३ जनाको ज्यान लिएकोछ ।

पछिल्लो २४ घण्टामा देशभरका १३ जना कोरोना संक्रमितको मृत्यु भएपछि नेपालमा कोरोना संक्रमणको जोखिम झन बढेर आएकोछ ।

यो सँगै कोरोना संक्रमित मृतकको संख्या ३ हजार ५३ जना पुगेको स्वास्थ्य तथा जनसंख्या मन्त्रालयले जनाएको छ ।

यसअघि आईतबार एक जना कोरोना संक्रमितको मृत्यु भएको थियो । गत २४ घण्टामै ५ सय ५९ जना कोरोना संक्रमित भेटिएका छन् । यो सँगै नेपालमा संक्रमितको संख्या २ लाख ८० हजार ५ सय २४ जना पुगेको छ ।

मन्त्रालयका अनुसार पछिल्लो २४ घण्टामा ५ हजार एक सय ५ जनाको पीसिआर परीक्षण गरिएकोछ । यो सँगै नेपालमा पीसिआर परीक्षण हुनेको संख्या २३ लाख १७ हजार २ सय ८४ पुगेको छ ।

हाल देशभरका विभिन्न क्वारेन्टिनमा ८५ जना संक्रमित रहेकाछन् भने एकै दिन एक सय ३८ जना उपचारपछि डिस्चार्ज भएका छन् । यो सँगै नेपालमा कोरोना भाइरस संक्रमणबाट निको हुनेको संख्या २ लाख ७४ हजार एक सय ६५ जना पुगेको मन्त्रालयले जनाएको छ ।

पछिल्लो समय नेपालमा कोरोना संक्रमित र मृतकको संख्या बढ्दै गएको छ ।