नेपालगन्ज २ वैशाख : कोरोना बीमा दाबी बापत हालसम्म ६० हजार ५८७ जनाले भुक्तानी पाएका छन् । हालसम्म कोरोना बीमामा ९१ हजार ६७३ जनाले दाबीका लागि आवेदन दिएको बीमा समितिको तथ्यांक छ ।

चैत ३० सम्म कोरोना बीमा दाबी वापत ५ अर्ब ८५ करोड १५ लाख रुपैयाँ भुक्तानी भएको बीमा समितिले जनाएको छ ।

बीमा दाबी बापत आवेदन दिनेमध्ये ६६६ जनाले भने रकम नपाउने भएका छन् । नक्कली पीसीआर रिपोर्ट बुझाएका तथा दोहोरो आवेदन दिएकाले दाबी रकम नपाउने समितिले जनाएको छ ।

कोरोना बीमासम्बन्धी मापदण्डअनुसार साढे ३ अर्बभन्दा बढीको दाबी भुक्तानी सरकारी कोषबाट हुन्छ ।