नेपालगन्ज २ वैशाखः कोरोना भाइरस संक्रमणले यतिबेला नेपालगन्जलाई आफ्नो अधिनमा लिदैँछ । भुषको आगोसरी फैलिएको कोरोना संक्रमणले यतिबेला नेपालगन्ज हटस्पट बन्ने देखिएकोछ ।

कोरोना भाइरस संक्रमणकै बीच नेपालगन्जका सामुदायिक तर संस्थागत विद्यालयका १० जना शिक्षक र ५ जना विद्यार्थीमा कोरोना पुष्टि भएको छ ।

नेपालगन्ज उपमहानगरपालिकाका नगर शिक्षा अधिकारी गोर्खबहादुर थापाका अनुसार नेपालगन्जका ५ सामुदायिक र ५ संस्थागत विद्यालय (बोर्डिङ स्कुल) का १० जना शिक्षक र ५ जना विद्यार्थीलाई कोरोना पुष्टि भएको हो ।

उनले सेतोखरीसंग कुरा गर्दै भने संक्रमित भएका शिक्षक र विद्यार्थी कुन–कुन विद्यालयका हुन त्यसको विस्तृत जानकारी लिने कार्य भइरहेकोछ । यद्यपी विद्यालय खुलेको छैन ।

कोरोना भाइरस संक्रमणको जोखिमलाई मध्यनजर गर्दै नेपालगन्ज उपमहानगरपालिकाको विपद् व्यवस्थापन समितिले आगामी हप्ता आईतबारदेखि सात दिनका लागि उपमहानगरका सम्पूर्ण शैक्षिक संस्था बन्द गर्ने निर्णय गरिसकेकोछ ।