नेपालगन्ज ६ वैशाख : कोरोना संक्रमित भइ होम आइसोलेसनमा बसेका बाँके कोहलपुरका एक बृद्धको मृत्यु भएकोछ ।

कोरोना संक्रमण भएपछि आफ्नै निवासमा बसेका बाँके कोहलपुर वडा नम्बर १४ का ७५ वर्षिय बृद्धको आईतबार राती मृत्यु भएको हो ।

जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज ओलीका अनुसार आईतबार राती १२ बजे उनको आफ्नै घरमा बसेको बेला मृत्यु भयो । योसंगै बाँकेमा कोरोना संक्रमित भइ मृत्यु हुनेको संख्या ६१ पुगेकोछ ।

मृतक ती बृद्ध दीर्घरोगी (पक्षपात) को रोगी भएको, उपचारका लागि भारत गई बैशाख ४ गते नेपाल फर्केको र बैशाख ५ गते नेपालगन्ज मेडिकल कलेज शिक्षण अस्पताल नेपालगन्जमा भर्ना भइ कोरोना परीक्षण गर्दा पोजेटिभ पाइएको थियो ।

कोरोना पोजेटिभ ती बृद्धको स्वास्थ्य अवस्था एकदमै गम्भीर बन्दै गएपछि अस्पतालकै सिफारिसमा परिवारको सल्लाहमा घरमै लगेर राखेको फोकल पर्सन ओलीले बताए । घरमै रहेर स्वास्थ्य लाभ लिइरहेका उनको मृत्यु भएको हो ।