नेपालगन्ज ६ वैशाख : बढ्दो कोरोना भाइरस संक्रमण नियन्त्रणका लागि सरकारले सार्जवनिक स्थानमा ५ जनाभन्दा बढी भेला हुन रोक लगाएको छ ।

सोमबार बिहान बसेको मन्त्रिपरिषद् बैठकले जारी गरेको ‘नयाँ भेरियन्ट सहितको कोरोना महामारी नियन्त्रण रोकथाम आदेश’मा सार्वजनिक स्थानमा ५ जनाभन्दा बढी भेला हुन नपाउने उल्लेख छ ।

यो आदेशअनुसार वैशाखभर देशभर पार्टी प्यालेसहरु बन्द हुनेछन् भने विवाह, ब्रतबन्ध, मलामीजस्ता कार्यमा २५ जनाभन्दा बढी सहभागी हुन पनि रोक लगाएको छ ।

योसंगै अब देशमा विवाह, ब्रतबन्ध र मलामीजस्ता कार्य प्रभावित हुने भएकोछ । सरकारले चालेको यो कदमले देशको अवस्था वैशाखकको मध्यसम्म झन भयाबह बनेमा लकडाउन समेत गर्ने बुझिएकोछ ।