नेपालगन्ज ६ वैशाख : पछिल्लो २४ घण्टामा देशभर ७ हजार ५ सय ४८ जनाको परीक्षण गर्दा १ हजार २ सय ८१ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

पीसिआर परीक्षणमा एक हजार २ सय ८१ र एन्टिजेनमा ५४ गरी एक हजार २ सय ८१ जनामा कोरोना पुष्टि भएको हो । जसमध्ये ७ हजार २ सय ५४ जना आइसोलेसनमा छन् । यसअघि आईतबार एक हजार ९६ जना कोरोना संक्रमित भेटिएका थिए । यो सँगै नेपालमा कुल संक्रमितको संख्या २ लाख ८५ हजार ९ सय पुगेको छ ।

यसैगरि देशभर हालसम्म २३ लाख ५२ हजार ५ सय २ जनाको पीसिआर परीक्षण भएको छ । गत २४ घण्टामा आठ जना कोरोना संक्रमितको मृत्यु भएको छ । यो सँगै कोरोना संक्रमित मृतकको संख्या ३ हजार ९१ पुगेको छ । हाल ८१ जना क्वारेन्टिनमा छन् ।

मन्त्रालयका अनुसार पछिल्लो २४ घण्टामा २ सय ५५ जना उपचारपछि डिस्चार्ज भएका छन् । यो सँगै निको हुनेको संख्या २ लाख ७५ हजार ५ सय ५५ पुगेको मन्त्रालयले जनाएको छ ।