नेपालगन्ज ७ वैशाख : बाँकेमा थप एक कोरोना संक्रमित पुरुषको मृत्यु भएकोछ ।

भेरी अस्पताल नेपालगन्जमा उपचाररत बाँके खजुरा गाउँपालिका वडा नम्बर–२ का ३३ वर्षिय कोरोना संक्रमित पुरुषको मृत्यु भएको हो ।

मृतक ती पुरुषको सोमबार (हिजो) पीसिआर परीक्षणमा कोरोना संक्रमण पुष्टि भएको थियो ।

उनको आज दिउँसो २ः४० बजे मृत्यु भएको जिल्ला कोभिड–९१ संकट व्यवस्थापन केन्द्र (डिसिसिएमसी) बाँकेले जनाएको छ । योसँगै हालसम्म बाँकेमा ६४ जना संक्रमितको मृत्यु भएको छ ।