नेपालगन्ज ७ वैशाख : राजा ज्ञानेन्द्र शाह र रानी कोमल राज्यलक्ष्मी शाहलाई कोरोना संक्रमण देखिएको छ ।

भारतको हरिद्वारमा आयोजित महाकुम्भ मेलामा सहभागी भएर नेपाल फर्केका दुबै जनामा कोरोना संक्रमण देखिएको हो ।

राजाको सचिवालयले दुबैमा कोरोना संक्रमण पुष्टि भएको जनाएको छ ।

नेपाल फर्केपछि दुबैको पीसिआर परीक्षण गरिएको थियो । मंगलबार पीसिआर रिपोर्ट आउँदा कोरोना संक्रमण देखिएको सहयोगी फणिराज पाठकले बताए ।

दुबै जना अहिले निर्मल निवासको सेल्फ आइसोलेसनमा रहेको र स्वास्थ्य अवस्था सामान्य रहेको पाठकले बताए । -सेतोपाटीबाट