नेपालगन्ज ८ वैशाखः कोरोना भाइरस संक्रमणको जोखिमलाई मध्यनजर गर्दै त्रिभुवन विश्वविद्यालयले (त्रिवि) अनलाइन कक्षा सञ्चालन गर्ने भएकोछ ।

त्रिविले कोभिड– १९ बाट अति प्रभावित जिल्लामा सैद्धान्तिक कक्षा अनलाइनबाट लिन निर्देशन समेत दिएको छ ।

बाँकी जिल्लाहरुको हकमा पनि स्थानीय निकायसँग समन्वय गरी आवश्यक सुरक्षाका उपाय अपनाइ कक्षा सञ्चालन गर्न सूचना जारी गरेको छ ।

परीक्षाको हकमा आवश्यक कर्मचारी र सुरक्षा व्यवस्था अपनाई परीक्षा सञ्चालन गर्न त्रिविले निर्देशन दिएको हो ।

यस्तै, त्रिविले २५ जना भन्दा बढी राखेर भीड नगर्न र सभा सम्मेलन अनलाइनमै गर्न भनेको छ ।

अनलाइन कक्षा सञ्चालनका लागि इमेल नबनेको भए सूचना प्रविधि तथा नवप्रवर्तन केन्द्रमा सम्पर्क गर्ने त्रिविको सूचना तथा जनसम्पर्क महाशाखा प्रमुख योगेन्द्र प्रसाद दाहालले जानकारी दिएका छन् ।