नेपालगन्ज ११ वैशाख : भेरी अस्पताल नेपालगन्जमा उपचारत कोरोना संक्रमित एक महिलाको मृत्यु भएकोछ ।

जिल्ला कोभिड–१९ संकट व्यवस्थापन केन्द्र बाँकेका अनुसार नेपालगन्ज उपमहानगरपालिका वडा नम्बर १२ की ५५ वर्षिया महिलाको मृत्यु भएको हो ।

गत चैत ३१ गते बागेश्वरी ल्याबमा पीसिआर जाँच गराएकी ती महिलाको स्वास्थ्य अवस्था जटिल बन्दै गएपछि वैशाख ६ गते भेरी अस्पतालको कोभिड वार्डमा भर्ना गरिएको थियो ।

भेरीको कोभिड वार्डमा उपचाररत ती महिलाको उपचारकै क्रममा आज शनिबार विहान ८ः४५ बजे मृतयु भएको हो । योसंगै बाँकेमा कोरोना संक्रमणका कारण ७७ जनाको मृत्यु भएकोछ । भने बाँकेमा उपचारका लागि आएका बाहिरी जिल्लाका १०० जनाको मृत्यु भएकोछ ।